काठमाडौं– नेपाल आयुर्वेद चिकित्सकको पहिलो पटक भएको लाइसेन्सिङ परीक्षामा शतप्रतिशत विद्यार्थी उत्तीर्ण भएका छन् ।

नेपाल आयुर्वेदिक मेडिकल काउन्सिलले भदौ १४ गते पहिलोपटक आयुर्वेदिक चिकित्सकको लाइसेन्स परीक्षा लिएको थियो । परीक्षामा सहभागी ६८ जना आयुर्वेद चिकित्सकहरु उत्तीर्ण भएका हुन् ।

पहिलो पटक लिएको परीक्षामै शतप्रतिशत आयुर्वेद डाक्टरहरु परीक्षामा सफल भएको काउन्सिलले जनाएको छ ।  गत भदौ १४ गते लिइएको लाइसेन्स परीक्षाको नतिजा आइतबार प्रकाशित भएको हो ।

काउन्सिलले अब आयुर्वेद चिकित्सकको दर्ता प्रमाणप्रत्र (लाइसेन्स) परीक्षा प्रत्येक ६ महिनामा सञ्चालन गर्ने जनाएको छ । काउन्सिलमा दर्ता हुन बीएएमएस तह उत्तीर्ण गरी कम्तीमा ६ महिना इन्टर्नसीप गरेका आयुर्वेद चिकित्सकले परीक्षामा सहभागी हुन पाउनेछन् ।

यसअघि लाइसेन्स परीक्षा नदिइ आयुर्वेद चिकित्सकले लाइसेन्स पाउँदै आएका थिए । अब भने लाइसेन्सका लागि आयुर्वेदिक चिकित्सकले परीक्षा पास गर्नुपर्ने हुन्छ ।

हेर्नुस् नजिता