काठमाडौं – जय नेपाल कप क्रिकेट प्रतियोगिताको आइतबार भएको खेलमा ढाका विश्वविद्यालयले बाबा साहेक भिम राओ अमदेकर विहार विश्वविद्यालयलाई सात विकेटले हराएको छ।
१२८ रनको लक्ष्य पाएको ढाकाले १६.५ ओभरमा तीन विकेटको क्षतिमा १२९ रन बनाएको हो।
ढाकाका महाफिजुल इस्लामले अविजित रहँदै ७५ रनको योगदान गरे। यसैगरी मोहम्मद आसिकिर रहमान सहिबीले ३४ रन जोडे।
पहिलो ब्याटिङ गरेको विहार विश्वविद्यालये निर्धारित २० ओभरको खेलमा अन्तिम बलमा पुरा विकेट गुमाउँदै १२७ रन बनाएको हो। बिहारका लागि बिराज राजले ४२ तथा इम्रान हस्मीले २२ रनको योगदान गरे।
प्रतिक्रिया