कञ्चनपुर – कञ्चनपुरको महेन्द्रनगरस्थित सुदूरपश्चिम प्रदेश विपद् व्यवस्थापन गुल्ममा कायरत प्रहरी जवान वकिल विस्टले आफैंलाई गोली प्रहार गरेका छन् ।
बुधबार राती साढे ८ बजे ड्युटीमा रहेका बेला उनले आफैंलाई गोली हानेको कञ्चापुर प्रहरीले बताएको छ । प्रहरीका अनुसार गोली उनको दाहिने कानभन्दा माथि लागेको छ ।
गम्भीर अवस्था रहेका बिष्टलाई स्थानीय महाकाली प्रादेशिक अस्पतालबाट कैलालीको धनगढी रिफर गरिएको छ । घटनाबारे अनुसन्धान भइरहेको जिल्ला प्रहरी कार्यालयका डीएसपी उमेशराज जोशी जानकारी दिए ।
यसअघि गत पुस १२ गते जिल्ला प्रहरी कार्यालयमा कार्यरत प्रहरी जवान चक्रप्रसाद न्यौपानेले पनि आफैंलाई गोली हानेर आत्महत्याको प्रयास गरेका ।
प्रतिक्रिया