काठमाडौं– जल तथा मौसम पूर्वानुमान महाशाखाले मुलुकका केही स्थानमा मेघ गर्जनसहित चट्याङको सम्भावना रहेको भन्दै सतर्कता अपनाउन आग्रह गरेको छ ।

पूर्वानुमान महाशाखाले आइतबार आज देशभरी आंशिकदेखि सामान्य बदली रही केहि स्थानहरुमा मेघ गर्जनसहित चट्यांङको सम्भावना रहेको जनाएको छ । केही स्थानमा हल्कादेखि मध्यम वर्षा हुने सम्भावना रहेको जनाएको छ ।

त्यस्तै आइतबार राति देशभरी सामान्य बदली रही केही स्थानहरुमा मेघ गर्जन र चट्यांङ सहित हल्का देखि मध्यम वर्षा हुनेछ।

त्यस्तै सोमबारको मौसम पनि सामान्य बदली रहने पूर्वानुमान गरिएको छ । सोमबार दिउँसो देशभरी आंशिकदेखि सामान्य बदली रही केहि स्थानहरुमा मेघ गर्जन र चट्यांङसहित हल्का देखि मध्यम वर्षा हुनेछ ।

मध्य र पुर्वी पहाडी भेगका एक–दुई स्थानमा भारी वर्षाको सम्भावना रहेको जल तथा मौसम पूर्वानुमान महाशाखाले अनुमान गरेको छ ।

सोमबार राति देशभरी सामान्यदेखि पुर्ण बदली रही केही स्थानहरुमा मेघ गर्जन–चट्यांङ सहित हल्कादेखि मध्यम वर्षा हुनेछ। देशको थोरै स्थानहरुमा भारी वर्षाको सम्भावना पनि रहेको पूर्वानुमान गरिएको छ ।

देशका केही स्थानमा मेघ गर्जन–चट्यांङ को सम्भावना भएकोले सतर्कता अपनाउन पूर्वानुमान महाशाखाले अनुरोध गरेको छ ।