काठमाडौं – लगातार सातौँ खेलमा जित हात पार्दै लिभरपुल युरोपेली च्याम्पियन्स लिग फुटबलको दोस्रो चरणमा प्रवेश गरेको छ।

मंगलबार राति भएको खेलमा लिभरपुलले लिलीलाई २-१ ले हरायो। १० खेलाडीमा सीमित लिलीलाई हराउने क्रममा मोहम्मद सलाहले क्लबका लागि ५० औँ युरोपेली गोल गरे।

३४ औँ मिनेटमा कार्टिन्स जोन्सको थ्रु पासलाई उपयोग गर्दै सलाहले लिभरपुललाई अग्रता दिलाएका थिए।

लिलिका आइसा मान्डिसले दोस्रो पहेँलो कार्ड स्वरूप रातो कार्ड पाएपछि दोस्रो हाफमा लिभरपुल १० खेलाडीमा सीमित भएको थियो। त्यसको तीन मिनेटपछि ६२ औँ मिनेटमा जोनाथन डेभिडले लिलीका लागि बराबरी गोल गरेका थिए।

खेलको ६७ औँ मिनेटमा हार्भी इलियटले कर्नरमा हेड गोल गर्दै लिभरपुललाई जित दिलाएका हुन्।