काठमाडौं । लिलितपुरको भैंसेपाटीमा शुक्रबार साँझ भएको बम विष्फोटमा संलग्न भएको आशंकामा प्रहरीले एक जनालाई नियन्त्रणमा लिएको छ ।

बम विष्फोटमा संलग्न भएको आशंकामा प्रहरीले उक्त एनसेलको कार्यालयका सुरक्षा गार्डलाई पक्राउ गरी अनुसन्धान अघि बढाएको जनाएको छ । सिसीटिभि फुटेजमा देखिएको गतिविधका आधारमा उनलाई पक्राउ गरी अनुसन्धान अघि बढाइएकाे छ ।

बम विस्फोटबाट तीन जना घाइते भएका थिए । घाइतेमध्यका एक जना लमजुङका सिंहबहादुर गुरुङको उपचारका क्रममा मृत्यु भएको हो । उनको मेडिसिटी हस्पिटलमा उपचारका क्रमम उनको मृत्यु भएको हो ।

अन्य दुई घाइते प्रतिक्षा खड्का र उषा मानन्धरको उपचार भइरहेको छ । शुक्रबार साँझ ८ बजे भैंसेपाटीस्थित एनसेलको कार्यालयमा विष्फोट भएको थियो ।