काठमाडौं- ललितपुरमा रहेको एनसेलको टावरमा लक्षित गरी गराइएको बम विष्फोटमा परी घाइते भएका एकजनाको मृत्यु भएको छ ।
ललितपुरको नख्खु चोकनजिक रहेको एनसेलको टावरमा शुक्रबार राति अज्ञात समूहले बम विष्फोट गराउँदा ३ जना घाइते भएका थिए । गम्भीर अवस्थामा रहेका सिंहप्रसाद गुरुङको भने उपचारका क्रममा मृत्यु भएको छ ।
उनको मेडिसिटी अस्पताल लगिएको थियो । घाइते प्रतिक्षा खड्काको अल्का अस्पताल जावलाखेलमा उपचार भइरहेको छ। त्यस्तै आयुषा मानन्धरको बिएण्डबी अस्पतालमा उपचार भइरहेको छ ।
महानगरीय प्रहरी कार्यालय रानीपोखरीका प्रमुख, प्रहरी नायव महानिरीक्षक शैलेश थापा क्षेत्रीले गम्भीर घाइते गुरुङको उपचारका क्रममा मृत्यु भएको जानकारी दिए ।
प्रतिक्रिया