काठमाडौं – कोटेश्वर बहुमुखी क्याम्पसको प्रमुखमा प्रकाश पोखरेल नियुक्त भएका छन् । क्याम्पस व्यवस्थापन समितिक बैठकले पोखरेललाई क्याम्पस प्रमुखमा नियुक्त गरेको हो ।

विगत १४ वर्षदेखि कोटेश्वर क्याम्पसमा अध्यापन गराउँदै आएका पोखरेल विद्यावारिधिरत छन् । नव नियुक्त क्याम्पस प्रमुख पोखरेलले अनुसन्धान व्यवस्थापन एकाई (आरएमसी)को प्रमुख र सहायक क्याम्पस प्रमुखको जिम्मेवारी निर्वाह गरिसकेका छन् ।

पोखरेलले एक समारोहबीच क्याम्पसमा पदभार ग्रहण गरेका छन् । क्याम्पस व्यवस्थापन समिति सदस्य लेखनाथ घिमिरेका अनुसार व्यवस्थापन समितिले निवर्तमान क्याम्पस प्रमुख गोविन्द बहादुर कार्कीको विदाई र नव नियुक्त क्याम्पस प्रमुख पोखरेललाई स्वागत गरेको हो ।

कार्यक्रममा नव नियुक्त क्याम्पस प्रमुख पोखरेललाई क्याम्पस व्यवस्थापन समिति, प्राध्यापक र कर्मचारीले बधाई सहित स्वागत गरेका थिए । निवर्तमान क्याम्पस प्रमुख कार्कीलाई विदाई गरेका थिए ।

पोखरेलले क्याम्पसको थप पुर्वाधार निर्माणका लागि रणनीतिक योजना बनाएर अगाडि बढ्नुका साथै गुणस्तरिय शिक्षामा जोड दिने प्रतिवद्धता व्यक्त गरे । क्याम्पसलाई देशकै सामुदायिक क्याम्पसहरुमध्ये उत्कृष्ठ क्याम्पसको रुपमा विकास गर्ने आफ्नो आगामी योजना रहेको उनको भनाई छ ।

विसं २०४७ सालमा स्थापना भएको कोटेश्वर क्याम्पस सामुदायिक क्याम्पस हो । प्लस टु, स्नातक र स्नातकोत्तर तह गरि यस क्याम्पसमा करिव चार हजार विद्यार्थी अध्ययनरत छन् । न्युन शुल्कमा गुणस्तरीय शिक्षा प्रदान गर्दै आइरहेको यो क्याम्पसलाई विश्वविद्यालय अनुदान आयोगले विसं २०८० मा गुणस्तर प्रत्यायनकृत ९ क्यूएए० समेत प्रदान गरिसकेको छ ।