मुम्बई- चर्चित बलिउड अभिनेत्री मनिषा कोइरालाले ९० को दशकमा फिल्मी पर्दामा हलचल मच्चाएकी थिइन् । उनै सदाबहार नायिकाको आज पनि उत्तिकै आकर्षणछ ।

उनै मनिषाले हालै एक अन्तर्वार्तामा शाहरुख खान र आफ्नो सुरुवाती दिनबारे खुलेर कुरा गरेकी छन् ।

मनिषाले जब शाहरुख स्टार भइसकेका थिएनन्, त्यसबेला उनी माउन्ट मेरी अपार्टमेन्टमा बस्थे, त्यो बेला कस्तो वातावरणबारे अन्तर्वार्तामा खुलाएकी छन् ।

मनिषाले सन् १९९८ मा शाहरुखसँग फिल्म ‘दिल से’ मा काम गरेकी थिइन् । शाहरुखसँगको सम्बन्धबारे ‘पिंकभिल्ला’सँग कुरा गर्दै मनिषाले फिल्ममा नयाँ कलाकारका रुपमा करिअर सुरु गर्दा शाहरूखसँग पहिलोपटक भेट भएको बताइन् ।

मनिषाका अनुसार उनी शाहरुख र गौरीसँग मात्रै ह्याङ्ग आउट गर्थिन्, शाहरुख त्यतिबेला माउन्ट मेरी अपार्टमेन्टमा बस्न गर्दथे।

मनिषाले भनिन्, ‘शाहरुख मेरो फिल्म करिअरको सुरूवातीदेखिका साथी हुन् । मेरो सबै सामान लिएर उनको माउन्ट मेरी अपार्टमेन्टमा गएको याद छ । उनको फ्ल्याटको भुइँमा चटाई बिछ्याइएको थियो । हामी सबै त्यसमा बसेर गफ गर्थ्यौं ।’

मनिषाले आफूलाई घर किन्न सल्लाह दिने व्यक्ति पनि शाहरुख नै पहिलो भएको बताएकी छन् । मनिषा कोइराला सन् २०२४ मा सञ्जय लीला भन्सालीको सिरिज ‘हिरामाण्डीः द डायमण्ड बजार’ मा देखिएकी थिइन् ।

अब उनी यसको दोस्रो सिजनमा पनि देखिने छिन्, जसको छायांकन छिट्टै सुरु हुँदैछ । शाहरुख खान अभिषेक बच्चनसँगै छोरी सुहानाको मुख्य भूमिका रहेको ‘किङ्ग’मा व्यस्त छन् ।