राजविराज– ७० वर्षीया महिलामाथि जबरजस्ती करणी गरेको अभियोगमा सप्तरीमा ४० वर्षीय पुरुष पक्राउ परेका छन् ।
पक्राउ पर्नेमा खडक नगरपालिका–८ मुसहरनिया बस्ने ४० वर्षीय रोहित सदा छन् ।
प्रहरीका अनुसार सदाले धाक, धम्की देखाएर पर्वत घर भएकी ७० वर्षीया महिलामाथि जबरजस्ती करणी गरेका थिए ।
पीडित पक्षले स्थानीय प्रहरीमा उजुरी दिएपछि फरार भएका सदालाई प्रहरी चौकी बिसनपुरको टोलीले पक्राउ गरेको हो ।
सदालाई बिसनपुरमै रहेको एउटा मदिरा पसलमा मदिरा पिउँदै गरेको अवस्थामा पक्राउ गरिएको जिल्ला प्रहरी कार्यालय सप्तरीले जनाएको छ ।
प्रतिक्रिया