काठमाडौं – एनएमबी बैंकको २९औं साधारण सभा सम्पन्न भएको छ । पुस २५ गते बिहीबार त्रिभुवन आर्मी अफिसर्स क्लब, टुँडिखेलमा बैंकको साधारण सभा सम्पन्न भएको हो ।
साधारण सभामा बैंक संचालक समितिका अध्यक्ष मनोजकुमार गोयल, सञ्चालक र शेयरधनीहरूको उपस्थिति रहेको बैंकले जानकारी दिएको छ । सभामा बैंकका शेयरधनीहरूले बैंकको सेवा विस्तार निम्ति धारणा राखेका थिए ।
गत असार मसान्तसम्म बैंकको खुद नाफा दुई अर्ब २४ करोड, निक्षेप दुई खर्ब २७ अर्ब १० करोड र कर्जा दुई खर्ब चार अर्ब ६१ करोड रुपैयाँ रहेको छ ।
बैंकले हाल देशभर २०१ शाखा, १८७ एटीएम र ११ एक्सटेन्सन काउन्टरमार्फत बैंकिङ्ग सेवा प्रदान गर्दै आइरहेको छ ।
प्रतिक्रिया