काठमाडौं– प्रधानमन्त्री केपी शर्मा ओलीको प्लाज्मा फेरेसिस आज गरिने भएको छ ।  ७ पटक गर्नुपर्ने प्लाज्मा फेरेसिस हिजो(बुधबार) गर्ने तय भएको थियो ।

तर, प्रधानमन्त्री केपी ओलीलाई टाउको दुखेपछि हिजो प्लाज्मा फेरेसिस हुन सकेन ।

‘प्रधानमन्त्रीलाई टाउको दुखेपछि हिजो हुने भनिएको प्लाज्मा फेरेसिस हुन सकेन’ प्रधानमन्त्रीको सचिवाल श्रोतले खबरहबसँग भन्यो,‘अब आज परीक्षण हुनेछ ।’

श्रोतका अनुसार प्रधानमन्त्री ओली शुक्रवार फर्कने यसअघिको तयारी समेत प्रभावित भएको छ ।

‘प्लाज्मा फेरेसिस सकिएपछि रिपोर्ट आउने छ र शुक्रवार आराम गरेर उहाँ शनिवार स्वदेश फर्कनु हुनेछ’ श्रोतले भन्यो ।

शरीरमा एन्टिबडीको मात्रा बढ्दै गएपछि उपचारका लागि प्रधानमन्त्री ओली भदौ ५ गते सिंगापुर प्रस्थान गरेका थिए ।

प्रधानमन्त्री ओलीको शरीरमा भएको एन्टिबडीलाई निस्काशन गर्न ७ पटक प्लाज्मा फेरेसिसस गर्न आवश्यक भएको चिकित्सकले बताएका थिए ।

सातौंपटक प्लाज्मा फेरेसिसस रिपोर्ट आएसँगै शरीरमा एन्टिबडीको अवस्था जानकारी हुने प्रधानमन्त्रीका निजी चिकित्सकले बताउँदै आएका छन् ।