काठमाडौं– जावलाखेल युथ क्लबले अन्तिम खेलमा जीत हासिल गरेको छ ।

ललित स्मृति एन्फा यु–१८ युथ लिगको आफ्नो अन्तिम खेलमा सातादोबोटो युथ क्लबविरुद्ध २–० को जित हासिल गरेको हो ।

सातदोबाटोस्थित अखिल नेपाल फुटबल संघ (एन्फा) मुख्यालय मैदानमा जावलाखेलले सो जीत हासिल गरेको हो ।

जावालाखेलको जीतका लागि दुवै गोल विवस दर्लामीले गरेका हुन् । खेलको २१औँ मिनेटमा विवसको गोलमार्फत जावलाखेलले अग्रता लिएको थियो भने मध्यान्तर पछि ६७औँ मिनेटमा दिवसले नै टोलीको अग्रता दोब्बर बनाउन सफल भए । तर, जवाफमा सातदोबाटोले कुनै गोल गर्न सकेन ।

जितसँगै २२ खेलमा ३० अंक जोडेको जावलाखेलले सातौं स्थानमा रहेर लिगको अन्त्य गरेको छ ।  पराजित सातदोबाटो समान खेलबाट ११ अंकका साथ पुछारमा रहेको छ  ।