काठमाडौं– एटिएम ह्याक गरेर चिनियाँ नागरिकले नेपालका विभिन्न वैंकको पैसा लुटेपछि यसको अध्ययन र अनुसन्धान गर्न विदेशी विज्ञहरुको टोली नेपाल आएको छ ।

नेपाल इलेक्ट्रोनिक पेमेन्ट सिस्टम(नेप्स) को आग्रहमा उक्त विज्ञ टोली बुधबार राति नेपाल आएको हो ।

फरेस्सिक टोलीले विहीवार(आज) देखि काम गर्न थाल्ने नेप्सका प्रमुख कार्यकारी अधकिृत प्रविणप्रकाश क्षेत्रीले बताए ।

उक्त अनुसन्धान टोलीले एटिएमबाट पैसा चोरीको घटना कसरी, कहाँ भएको र कस्तो कमीकमजोरी भएका कारण यस्ता घटना भएको भन्ने बारे अध्ययन अनुसन्धान गर्ने छ । उसले गरेको अध्ययनपछि प्राप्त प्रतिवेदनका आधारमा अघि बढ्ने नेप्सका प्रमुख कार्यकारी अधिकृत क्षेत्रीले बताए ।

त्यसैगरि एटिएम ह्याकिङको विषयमा अध्ययन र अनुसन्धान गर्न विद्युतीय सेवा प्रदाय कम्पनी ‘भिसा’ बाट पनि एउटा टोली नेपाल आउने भएको छ । उक्त टोली विहीवार नेपाल आउने छ ।

गत शनिवार दरबारमार्ग र ठमेलमा रहेका विभिन्न बैंकको एटिएमबाट चिनियाँ ह्याकरले डेढ करोड भन्दा बढी रकम लुटेका थिए । प्रहरीका अनुसार सिस्टम ह्याक गरि उनीहरुले रकम झिकेका हुन् ।

रकम लुटपाटमा संलग्न भएका ६ जना चिनियाँलाई प्रहरीले पक्राउ गरि अनुसन्धान गरिरहेको छ ।