काठमाडौं– किर्गिस्तानले आयोजना गर्ने नादेझ्दा कप खेल्ने नेपाली राष्ट्रिय महिला फुटबल टोलीको घोषणा गरिएको छ । राष्ट्रिय महिला टोलीका मुख्य प्रशिक्षक हरि खड्काले बुधबार नादेझ्दा कप खेल्ने २३ सदस्सीय टोलीको घोषणा गरेका हुन् ।

उनले भदौ १५ गते ३२ सदस्सीय टोलीको घोषणा गरेका थिए भने त्यसअघि क्याम्पमा ४२ जना खेलाडीलाई बोलाएका थिए ।

नेपाली टोली काठमाडौंमा मंसिरमा आयोजना हुने दक्षिण एसियाली खेलकुद (साग) को अभ्यासमा रहेको छ । नादेझ्दा कपलाई पनि महिला टोलीका लागि सागको अभ्यास खेलका रुपमा हेरिएको छ ।

नादेझ्दा कप भदौ २० गतेदेखि २७ गतेसम्म आयोजना हुनेछ ।

नेपाली टिम

गोलकिपर : एन्जिला सुब्बा, अन्जना राना मगर

डिफेन्डर : हिरा कुमारी भुजेल, गीता राना, पुनम जर्गा मगर,कविता धिमाल, अस्मिता जैसी

मिडफिल्डर : मन्जली कुमारी योन्जन, रेनुका नगरकोटी, अनिता बस्नेत, दिपा राई, शर्मिला थापा

फरवार्ड : सावित्रा भण्डारी, अनिता केसी, रेखा पौडेल, निरु थापा, बिमला चौधरी, इन्दिरा राई