मस्को- रूसको राजधानी मस्कोमा भएको एक बम विस्फोटमा रूसी सेनाका एकजना जनरलको मृत्यु भएको घटनाको जिम्मेवारी युक्रेनी एजेन्सीले लिएको छ ।
कियभस्थित स्वतन्त्र समाचार एजेन्सी आरबीसीले जनाएअनुसार मंगलबार भएको उक्त घटनाको जिम्मेवारी युक्रेनको सुरक्षा सेवा (एसबीयू)ले लिएको हो ।
उता रूसले लेफ्टिनेन्ट जनरल किरिलोभ मारिन पुगेको घटनालाई ‘आतंकवादी कारबाही’को संज्ञा दिएको छ ।
रूसको जाँच कमिटीका अनुसार विस्फोटमा मारिएका सैन्य अधिकारी लेफ्टिनेन्ट जनरल आइगोर किरिलोभ आणविक जैविक रासायनिक सुरक्षा बलमा तैनाथ थिए ।
यो घटना एक स्कुटरमा लुकाएर लगिएको एक डिभाइसमा विस्फोट हुँदा भएको हो। जाँच कमिटीले यस घटनामा किरिलोभका एक सहायकको पनि मृत्यु भएको जनाएको छ।
अक्टोबर महिनामा ब्रिटेनले युक्रेनमाथि रासायनिक हतिायर प्रयोगमा नजरअन्दाज गरेको आरोपसहित किरिलोलाई विभिन्न प्रतिबन्ध लगाएको थियो ।
ब्रिटेनले किरिलोभ ‘क्रेमलिनका मुखौटा’ बनेको आरोप लगाउँदै आएको थियो । युक्रेनले मस्कोको विस्फोटमा रूसी सेनाका प्रमुख अधिकारी लेफ्टिनेन्ट जनरल आइगोर किरिलोभको हत्या आफूले गरेको भन्दे जिम्मेवारी लिएको हो ।
प्रतिक्रिया