काठमाडौं– मेरो माइक्रोफाइनान्स लघुवित्त वित्तीय संस्था लिमिटेडले करिब ८ प्रतिशत बोनस घोषणा गरेको छ ।

कम्पनीको १६५औँ सञ्चालक समितिको बैठकले गत आर्थिक वर्ष २०८०–८१ को वितरणयोग्य मुनाफाबाट कम्पनीले चुक्ता पुँजीको ७.८९४७ प्रतिशत बोनस दिने भएको हो ।

कम्पनीका प्रमुख कार्यकारी अधिकृत (सीईओ) रामहरि दाहालका अनुसार चुक्ता पुँजीको ९ करोड ९० लाख रुपैयाँ बराबरको ७.५ प्रतिशत बोनस शेयर दिने भएको छ भने उक्त बोनमा लाग्ने कर प्रयोजनका लागि चुक्ता पुँजीको ५२ लाख १० हजार ५२६ रुपैयाँ बराबरको ०.३९४७ प्रतिशत नगद लाभांश दिने भएको छ ।

हाल कम्पनीको चुक्ता पुँजी १ अर्ब ३२ करोड रुपैयाँ रहेको छ । कम्पनीले प्रस्ताव गरेको बोनस नेपाल राष्ट्र बैंकबाट स्वीकृति पाएपछि आगामी बस्ने वार्षिक साधारणसभाले पास गरेपछि शेयरधनीलाई वितरण गरिने कम्पनीले जनाएको छ ।