काठमाडौं– प्रकृति पूजकका रुपमा चिनिने किरात समुदायको दोस्रो ठूलो चाड ‘साकेला उँधौली’ सुरु भएको छ ।

किरात समुदायमा मङ्सिरे पूर्णिमादेखि १५ दिनसम्म उँधौली र वैशाखे पूर्णिमादेखि महिना दिनसम्म साकेला उँभौली चाड मनाउने चलन छ ।

पन्ध्र दिनसम्म मनाइने उँधौली साकेलाको अवसरमा आइतबार ललितपुरको सानो हात्तीवनमा भेला भएर किराँती पुर्खा/धामीहरूले प्रकृतिको पूजा गरी उँधौली चाड सुरुवात गरेका छन् ।

वर्षको दुईपटक मनाइने साकेला चाडको उँधौलीमा अन्नबालीको सह बसोस्, अनिकाल नलागोस् भन्ने कामनासहति प्रकृति पूजा गर्ने चलन छ ।

कुखुराको भाले, चोखो जाँड, रक्सी, अदुवा, पहेँलो रङको चामललगायत सामग्री प्रयोग गरेर प्रकृतिको पूजा गर्ने चलन किरात समुदायमा छ ।

तस्बिर : नेपाल फोटो लाइब्रेरी