काठमाडौं– नेपाल प्रिमियर लिग (एनपीएल) क्रिकेटमा काठमाडौं गुर्खाजले रोमाञ्चक जित निकालेको छ ।

कीर्तिपुरस्थित त्रिवि क्रिकेट मैदानमा आज भएको खेलमा विराटनगर किंग्सलाई १ विकेटले हराउँदै काठमाडौंले प्लेअफको सम्भावनालाई जिवितै राखेको छ ।

विराटनगरले दिएको ११८ रनको लक्ष्य काठमाडौंले १८ ओभर १ बलमा ९ विकेट गुमाएर पूरा गर्‍याे ।

काठमाडौंका लागि प्रतिक श्रेष्ठले सर्वाधिक ३९ रनको योगदान दिए । यस्तै, शंकर राना १६, राशिद खानले १४, जेहार्ड एरास्मसे १२, दिपेश कँडेल ११ तथा माइकल लेभिटले १० रन जोडे ।

विराटनगरका लागि सन्दीप लामिछानेले तीन तथा अनिल खरेल, क्रिस सोल र बसिर अहमदले दुई–दुई विकेट लिए ।

यसअघि टस हारेर ब्याटिङको निम्तो पाएको विराटनगरले निर्धारित २० ओभरमा १ बल छँदा १ सय १७ रन बनाएको थियो ।

विराटनगरका लागि राजेश पुलामी मगरले सर्वाधिक २५ रनको योगदान दिए । यस्तै, दिपक बोहोराले २०, स्कट एडवार्डस १५, बसिर अहमदे १३ तथा निकोलस किर्तन ले १२ रन बनाए ।

काठमाडौंका लागि जेहार्ड एरास्मसले तीन, दिपेश कँडेलले दुई तथा डान डाउथवेट, करण केसी र शाहब आलमले एक–एक विकेट लिए ।