काठमाडौं – पाकिस्तानमा अघिल्लो महिनाको तुलनामा नोभेम्बर महिनामा आतंककारी आक्रमणका घटनामा वृद्धि भएको पाइएको छ । नोभेम्बर महिनामा पाकिस्तानमा ६१ वटा आतंककारी आक्रमणका घटना भएका छन् ।
जुन अघिल्लो महिनाको तुलनामा २७ प्रतिशतले बढी हो । यस अवधिमा आतंककारी आक्रमणका क्रममा मृत्यु हुनेको सङ्ख्या पनि बढेको छ ।
राजधानी इस्लामावादमा रहेको पाक इन्स्टिच्युट फर पिस स्टडिजले सार्वजनिक गरेको प्रतिवेदनका अनुसार नोभेम्बर महिनामा आतंककारी आक्रमणका कारण १ सय ६९ जनाको ज्यान गएको छ ।
अघिल्लो महिना यस्ता घटनामा १ सय जनाले ज्यान गुमाएका थिए । समीक्षा अवधिमा आतंककारी आक्रमणका कारण २ सय २५ जना घाइते भएका छन् ।
प्रतिक्रिया