काठमाडौं- नेपाल प्रिमियर लिग क्रिकेट प्रतियोगताका दुई क्लब सुदूरपश्चिम रोयल्स र जनकपुर बोल्ट्स शीर्षताको लडाइँमा छन् ।
समूह चरणमा अंक तालिको पहिलो र दोस्रो नम्बरमा रहेका जनकपुर र सुदूरपश्चिमबीच शीर्षताको लडाइँ अहिले त्रिवि क्रिकेट मैदानमा जारी छ।
पहिले ब्याटिङ गरेको सुदूरपश्चिमले दिएको १२४ रनको लक्ष्य जनकपुरले पछ्याउने क्रममा जनकपुर दबाबमा परेको छ । उसले ४ ओभरमै ५ विकेट गुमाएको छ ।
जवाफी ब्याटिङमा उत्रिएको जनकपुर बोल्ड्सले बिना दोहोरो स्कोर दुवैजना ओपनरसहित ५ विकेट गुमाएको हो ।
अंकतालिकामा कुनै खेल नहारेको जनकपुर ८ अंकसहित शीर्ष स्थानमा छ । उता एक खेल हारेको सुदूरपश्चिम ६ अंकसहित दोस्रोमा छ ।
यदि सुदूरपश्चिमले आजको खेल जिते जनकपुरसँग अंक बराबरी गर्नेछ । १२४ रन पछ्याउने क्रममा जनकपुरले ५ विकेट गुमाएकाले सुदूरपश्चिमले नतिजा आफ्नो पार्न संघर्ष गरिरहेको छ ।
प्रतिक्रिया