म्युनिख – अन्तिम मिनेटमा नोर्डी मुकयलले गरेको गोलमा वायर लिभरकुसेनले युरोपेली च्याम्पियन्स लिगको मंगलबार राति भएको खेलमा इन्टर मिलानलाई १–० ले हराएको छ । सिजनमा यो इन्टरको पहिलो हार हो ।

सो जितपछि लिभरकुसेन १३ अंकसहित तालिकाको दोस्रो स्थानमा उक्लेको छ । १८ अंक रहेको लिभरपुल शीर्ष स्थानमा छ भने १३ अंक नै भएको एस्टन भिल्ला तेस्रो तथा इन्टर मिलान चौथो तथा ब्रेस्ट पाँचौँ स्थानमा छन् ।

मंगलबार भएको खेलमा आरबी लेपिजलाई एस्टन भिल्लाले ३–२ ले हरायो। भिल्लालाई जित दिलाउन पनि रोस बाकर्लीले ८५ औं मिनेटमा गोल गरेका थिए । अर्को खेलमा जुलियनले आर्डिनलको गोलमा ब्रेस्टले पिएसभी आइन्ड होभनलाई १–० ले हरायो ।

मङ्गलबारका अन्य खेलमा सेल्टिक र डाइनामो जाग्रेबले बराबरी खेले । क्लब ब्रगले स्पोर्टिङ सिपीलाई २–१ ले हरायो । पेरिस सेन्ट जर्मनले रेडबुल साल्जबर्गलाई ३–० ले हरायो ।

तालिकामा १२ अंकसहित छैटौँ र सातौँ स्थानमा रहेका बार्सिलोना र बोरुसिया डर्टमन्डले एक खेल कम खेलेका छन् । बुधबार यी दुई टोलीको खेल हुनेछ ।

यसअघि अपराजित रहेको एटलान्टा भने रियलसँगको हारसँगै ११ अंक लिएर नवौँ स्थानमा झरेको छ । १० अंक रहेका आर्सनल, मोनाको र लिलीले ५ औं खेल मात्र खेलेका छन्।