काठमाडौं – टोटनहाम हस्टस्पर्ससँग २ गोलले पछिपरेको अवस्था उल्ट्याउँदै चेल्सीले उत्कृष्ट पुनरागमन जित हासिल गरेको छ । आइतबार राति भएको इङ्लिस प्रिमियरसिपको खेलमा चेल्सीले टोटनहामलाई ४-३ गोल अन्तरले हराएको हो ।
जाडोन सान्चो र इन्जो फर्नान्डेजले गोल गरेको खेलमा कोल पाल्मरले पाएका दुवै पेनाल्टीलाई उपयोग गरेपछि चेल्सीले सफलता पाएको हो।
डोमेनिक सोलान्के र डेजान कुलेभ्सकीले गोल गर्दै टोटनहामलाई ११ मिनेटमा नै दुई गोलको अग्रता दिलाएका थिए । चेल्सी चम्किएपछि त्यो सफलता क्षणभरमै भंग भएको हो । जितपछि चेल्सी शीर्ष स्थानमा रहेको लिभरपुल भन्दा ४ अङ्कले मात्र पछि रहेको छ ।
प्रतिक्रिया