काठमाडौं– एनपीएल क्रिकेट अन्तर्गत स्टारहरूले भरिएको कर्णाली याक्सले जनकपुर बोल्ट्सविरुद्ध खराव प्रदर्शन गरेको छ ।

आफ्नो पहिलो खेलमा विराटनगर किङ्सलाई हराएर हौसिएको जनकपुर बोल्ट्सविरुद्ध कर्णालीको ब्याटरको प्रदर्शन फितलो देखिएको हो ।

कर्णालीले आफ्ना दुवै ओपनरलाई सस्तैमा गुमाएको छ । उसका ओपपनर देव खनाल र शिखर धवन सस्तैमा आउट भए । खनाल ५ बलमा १ रन बनाउँदै आउट भए ।

यो खेलका मुख्य आकर्षण नै शिखर धवन थिए । तर उनी पनि सस्तैमा आउट हुँदा कीर्तिपुर स्टेडियमा हुटिङ लागेको थियो ।

एनपीएको पहिलो खेल खेलिरहेका स्टार क्रिकेटर शिखर धवन सस्तैमा आउट भए । उनी १४ बलमा १४ रन बनाएको अवस्थामा आउट भए ।

त्यसैगरि चाड्विक विल्टन पनि १२ बलमा केबल ८ रन बनाउँदै पेभेलियन फर्किए । कर्णालीका अर्का ब्याटर जिसन मक्सुद पनि २ बलमा खाता नखोल्दै आउट हुन पुगेका छन् ।

कर्णालीको ब्याटिङ लाइनअप ध्वस्त बनाउने क्रममा ललित राजवंशी, हर्ष थकेर, जेम्स निसम र मोहम्मत मोसिनले समान १/१ विकेट लिन सफल भएका छन् ।

ताजा अवस्थामा कर्णाली ११ ओभर खेल्दै ४ विकेटको क्षतिमा ५४ रनको अवस्थामा छ ।