काठमाडौं – कांग्रेस सभापति शेरबहादुर देउवाले आइतबार सम्पन्न उपनिर्वाचनमा सहभागी मतदाताहरुलाई धन्यवाद दिएका छन् । मतदान सकिए लगत्तै एक विज्ञप्ती जारी गर्दै देउवाले प्रतिकूल वातावरणमा पनि सक्रिय रूपमा मतदाताहरूले मतदान गरेको भन्दै धन्यवाद दिएका हुन्।

‘देशका विभिन्न पालिकामा रिक्त पदहरूका लागि आज भएको उपनिर्वाचनमा नेपाली दिदीबहिनी तथा दाजुभाइहरूले अत्यन्त उत्साह र धैर्यसाथ आफ्नो अमूल्य मत दिनु भएको छ । आजको उपनिर्वाचनमा उत्साहपूर्ण र सक्रिय सहभागिता, सहयोग र समर्थनले लोकतन्त्रप्रति नागरिक विश्वासलाई थप प्रमाणित गरेको छ । यो विश्वास कायम राख्ने ढंगले कार्य गर्न सरकार र राजनीतिक दलहरूलाई थप प्रेरणा मिलेको छ’ विज्ञप्तीमा उल्लेख छ ।

देउवाले मतपेटिका संकलन र मतगणना कार्यमा सतर्कता अपनाउन पनि कार्यकर्तालाई निर्देशन दिएका छन् ।