काठमाडौं । चालु आर्थिक वर्ष ०८१/८२ को महिनामा नेपालमा ८ लाख २७ हजार ९ सय २५ थान स्मार्ट फोन आयात गरिएकाे छ ।

भन्सार विभागको तथ्यांक अनुसार चालु आवको कार्तिक महिनासम्ममा १३ अर्ब ४० करोड ४८ लाख ७० हजार रुपैयाँ बराबरको स्मार्टफोन आयात भएको हो ।

गत वर्षको सोही अवधिमा भने ११ अर्ब ५३ करोड ९ लाख ५ हजार रुपैयाँ बराबरको ७ लाख ७१ हजार ३ सय २६ वटा स्मार्टफोन नेपाल भित्रिएका थिए । गत वर्षको तुलनामा यस वर्ष ५६ हजार ५ सय ९९ थान स्मार्टफोन बढी आयात भएको हो ।

चलुआवको कार्तिक महिनामा विभिन्न देशबाट १ लाख ७२ हजार २ सय ९४ थान स्मार्टफोन आयात भएका छन् ३ अर्ब ५७ करोड १९ लाख ७१ हजार रुपैयाँ बराबरको स्मार्टफोन आयात भएको हो । नेपालमा सबैभन्दा फोन चीन र भारतबाट आयात हुने गरेको छ ।

कार्तिकसम्मको तथ्यांक अनुसार चीनबाट ६१ लख १९ हजार फोन आयात भएका छन् भने भारतबाट २ लाख १३ हजार स्मार्टफोन आयात भएका छन् । नेपालमा विश्वका ५० भन्दा बढी देशबाट स्मार्टफोन नेपाल आयात हुने विभागको तथ्यांकले देखाएको छ ।