काठमाडौं– नाडेप लघुवित्त वित्तीय संस्था लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ ।

पहिलो त्रैमाससम्ममा लघुवित्तले ४ करोड ९७ लाख रुपैयाँ घाटा व्यहोर्नु परेको छ । गत वर्ष भने लघुवित्तले ५ लाख नाफा कमाएका थियो ।

यस वर्ष खराब कर्जा अत्याधिक बढेका कारण पनि कम्पनीले ठूलो घाटा व्यहोर्नु परेको हो । यस अवधिमा ६.५६ प्रतिशत रहेको खराब कर्जा बढेर १०.५१ प्रतिशतमा पुगेको छ । यस्तै, कम्पनीको संचालन घाटा र खराब कर्जाले गर्दा लघुवित्तको नाफा प्रभावित भएको हो ।

कम्पनीको खुद ब्याज आम्दानी भने ५ करोड १९ लाखबाट वृद्धि भएर ५ करोड ८३ लाख पुगेको छ । तर कम्पनीको इम्पेरिमेन्ट चार्ज बढ्नाले पनि कम्पनी घाटामा देखिएको हो । पहिले ७९ लाख ७५ हजार रहेको इम्पेरिमेन्ट चार्ज अहिले बढेर २ करोड ९० लाख पुगेको छ ।

हाल लघुवित्तको चुक्ता पुँजी ४८ करोड ५७ लाख रुपैयाँ रहेको छ । यसको प्रतिसेयर आम्दानी १०.२४ पैसा ऋणात्मक रहेको छ । नाडेपको प्रतिसेयर नेटवर्थ १७२.९३ रुपैयाँ छ ।