काठमाडौं – ‘द एन्जल्स ब्यान्ड’ले नयाँ गीत ‘कति छन्’ सार्वजनिक गरेको छ। यस गीतको ब्यान्डका प्रमुख गायक राजु लामाले स्वर दिएका छन् ।
यस गीतको संगीत र शब्द स्वर्गीय सुनील बर्देवाले तयार पारेका हुन् । उनै बर्देवालाई श्रद्धाञ्जली स्वरूप यो गीत सार्वजनिक गरिएको गायक लामाले बताए ।
बर्देवा नेपाली पप संगीतका चर्चित गायक एवम् गीतकार हुन् । बर्देवाको सन् २०१६ मा ४४ वर्षको उमेरमा निधन भएको थियो । उनका ‘गोरटो अनि उस्तै छ गल्ली’ र ‘बिहानीमा’लगायत गीत लोकप्रिय छन् ।
‘कति छन्’ गीतको रेकर्ड र भिडियोको छायाङ्कन अमेरिकामा भएको बताइएको छ । भिडियोमा राजुसहित द एन्जल्स ब्यान्डका सदस्यहरू राजेश, विकाश र ताशी फिचर्ड छन् । भिडियोको निर्देशन र छायाङ्कन संगमले गरेका हुन् ।
‘द एन्जल्स ब्यान्ड’ सन् १९९० मा स्थापित भएको हो । यो ब्यान्डले ‘मौन जीवन’ ‘द एन्जल्स २’, ‘द एन्जल्स ३’, ‘द एन्जल्स ४’ र ‘बेस्ट अफ द एन्जल्स’ जस्ता एल्बमहरू सार्वजनिक गरेको छ ।
हेर्नुहोस् भिडियो :
प्रतिक्रिया