म्युनिख – हेरी केनले दुई गोल गर्नुका साथै अर्को एक गोलको अवसर सिर्जना गरेपछि बुन्डेसलिगाको शनिबार भएको खेलमा बायरन म्युनिखले युनियन बर्तिनलाई ३-० ले हराएको छ।

१५ औँ मिनेटमा माइकल ओलिसेलाई पेनाल्टी क्षेत्रमा फल गरेपछि पाएको पेनाल्टीलाई ३१ वर्षीय केनले गोलमा परिणत गरेका थिए। ४३ औँ मिनेटमा केनकै पासमा किङ्सले कोम्यानले गोल गरे। ५१ औँ मिनेटमा केनले अर्को गोल गरे।

चालु सिजनको बुन्डेसलिगामा केनले ११ गोल गरेका छन्। शीर्ष स्थानको म्युनिखको ९ खेलमा २३ अङ्क जोडेको छ।

शनिबार नै भएको खेलमा दोस्रो स्थानमा रहेको आरबी लेपिजा पराजित भएको छ। लेपिजाको ९ खेलमा नै २० अङ्क बनाएको छ। बोरुसिया डर्टमन्डले लापिजालाई २-१ ले हराएको छ। यसैगरी इन्ट्रयाक्टर फ्रान्कफर्टले बोकुमलाई ७-२ ले हरायो। सेन्ट पाउलीले होफेन हेमलाई २-० तथा होल्सटेन केमले हाइडेन हेमलाई १-० ले हरायो। उल्फबर्ग र अस्बर्गबिचको खेलमा १-१ गोलको बराबरी भयो।