लन्डन – इङ्लिस प्रिमियरसिपको शनिबार राति भएको खेलमा म्यानचेस्टर सिटी बोर्नमाउथसँग स्तब्ध भएको छ।

बोर्नमाउथले सिटीलाई २-१ ले हरायो। बोर्नमाउउथका लागि एन्टेनियो सेभिन्यो र एभानिन्सनले गोल गरे। साबिक विजेता सिटीको बोर्नमाउथसँग यो पहिलो हार हो। साथै क्लबको इङ्लिस प्रिमियर सिपमा ३२ खेलको अपराजित यात्रा सकिएको छ।

यो लामो खेलको अपराजित यात्रा ६ डिसेम्बर २०२३ बाट सुरु भएको थियो। अस्टन भिल्ला र आर्सनलसँग गरी पछिल्लो दुई खेलमा ४ अङ्क जोडेको बोर्नमाउथ नवौँ मिनेटमा मिलोस कर्केजको पासमा सेमेन्योले गरेको गोलमा अग्रता लिन सफल भएको थियो।

कर्केजकै पासमा ६४ औँ मिनेटमा एभानिल्सनले अर्को गोल गरे। ८२ औँ मिनेटमा जोस्को डिभार्डियोलको गोलमा सिटी खेलमा फर्कने प्रयास गरे पनि सफल भएन। सिटी १० खेलमा २३ अङ्कसहित तालिकाको दोस्रो स्थानमा छ।

इङ्लिस प्रिमियरसिपको शनिबार राति भएको अर्को खेलमा उल्भ्स क्रिस्टलप्यालेसले २-२ गोलको बराबरी खेलेका छन्।