काठमाडौं- यमपञ्चकअन्तर्गत लक्ष्मी पूजाको अवसरमा चलचित्र ‘सत्यवीर’ निर्माणको घोषणा गरिएको छ । गद्रेज पिक्चर्स प्रालिको ब्यानरमा यस सामाजिक कथाको एक्सन थ्रिलर चलचित्रलाई जनारामले निर्माण गर्नेछन् ।

निर्माण कम्पनीले फर्स्ट लुक पोस्टर सार्वजनिक गर्दै फिल्म निर्माणको औपचारिक घोषणा गरेको हो । पोस्टरमा कलाकार प्रदीप चौधरीलाई स्थान दिइएको छ ।

पृष्ठभूमिमा गान्धीनगर सहर रगत पिसाब बाँदर र हात्तीसहित आक्रामक रुपमा प्रस्तुत भएको काठमाडौं सहर देख्न सकिन्छ । पोस्टरले क्राइम थ्रिलरको सुझाव दिएको छ ।

एक दशकदेखि एफएक्स र एनिमेसनमा सक्रिय खड्काको यो फिल्मले ठूला पर्दामा निर्देशनमा डेब्यू गर्नेछन् ।

उनले हलिउड फिल्म ‘स्टार वार्स’, ‘लेगो’ र एफएक्स र ‘डिज्नी’, ‘पिक्सर’ जस्ता कम्पनीका लागि एनिमेसनमा काम गरेका छन् । खड्काले ‘प्रेमगीत ३’, ‘बम्बरी’, ‘कन्देतार’ लगायत दर्जनौं फिल्ममा एफएक्स सुपरवाइजरको रुपमा काम गरिसकेका छन् ।

काठमाडौंमा एफएक्स एण्ड एनिमेसन स्कुल सञ्चालन गरेर खड्काले विद्यार्थीलाई तालिम दिइरहेका छन् ।

२१औँ शताब्दीमा प्रविधिको युगमा नेपाली चलचित्रलाई उच्च स्तरमा पुर्या‍उने उद्देश्यले आफू चलचित्र निर्देशनमा लागेको खड्काले बताए । उनले यसअघि एक दर्जन सिरियल फिल्म र म्युजिक भिडियो निर्देशन गरिसकेका छन् ।

खड्काले फिल्मका ४० प्रतिशत दृश्य एफएक्स भएको बताएका छन् । बाँकी ६० प्रतिशत दृश्य काठमाडौं र चितवनलगायत तराई क्षेत्रमा छायांकन हुनेछ । कलाकार प्रदीप चौधरी र द्वन्द्व निर्देशक हिमाल केसीबाहेक निर्माण कम्पनीले फिल्मको ‘कास्ट र क्रु’ भने सार्वजनिक गरेको छैन ।

लामो समयदेखि रंगमञ्चमा सक्रिय रहेका चौधरीले १० वर्षपछि अभिनयमा चलचित्रमा अभिनय गर्न थालेका छन् ।

उनले चलचित्र ‘होस्टेल रिटर्न्स’ मा ‘पिक अप’ पात्रबाट चर्चा पाए । हल मण्डला थिएटरमा अभिनय कक्षा सिकाउने चौधरीले धेरै नेपाली चलचित्र तथा टेलिभिजन कलाकारहरूलाई अभिनय सिकाइसकेका छन् ।