काठमाडौं- साफ महिला च्याम्पियनसिपको फाइनलखेलमा नेपालले बंगलादेशविरुद्ध अहिले खेलिरहेको छ ।

जारी प्रतियोगिताकी हाई स्कोरर रेखा पौडेल भने फाइनल भिडन्तमा मैदानमा देखिएकी छैनन् ।

रेखा पौडेलले भारतविरुद्धको सेमिफाइनल भिडन्तमा रातो कार्ड पाएको करणले यो खेल गुमाएकी हुन् । उनको स्थानमा नेपालले मिडफिल्डर सरु लिम्बुलाई उतारेको छ ।

साँझ साढे ६ बजेदेखि काठमाडौंस्थित दशरथ रंगशालामा भइरहेको खेलमा नेपालका लागि कप्तान समेत रहेकी गोलकिपर अन्जिला सुब्बा मैदानमा छिन् ।

पूजा राना, बिमला विक, अमृता जोशी, रेनुका नगरकोटी, सरु लिम्बु, सावित्रा भण्डारी साम्बा, गीता राना, प्रीती राई सबिता राना मगर र अमिषा कार्की पनि मैदानमा छन् ।

नेपालले अहिलेसम्म साफका ५ फाइनल खेले पनि उपाधि जित्न नसकेकाले यस पटक घरेलु मैदानमा उपाधि जित्ने अवसर छ ।