काठमाडौं- स्पेनिस महारथी रियल म्याड्रिडले सोमबार राति फ्रान्सको पेरिसमा हुना लागेको बालोन डि‘ओर अवार्ड सेरोमनी बहिष्कार गरेको छ ।

खेलसम्बन्धी रिपोर्टका अनुसार यसअघि भिनिसियस जुनियरले बालोन डि’ओर जित्ने बताइएको थियो ।

तर अन्तिम समयमा म्यानचेस्टर सिटीका स्पेनिस मिडफिल्डर रोड्रीले यो अवार्ड जित्ने भएपछि रियल म्याड्रिडले कार्यक्रम बहिष्कार गरेको हो । उसले पेरिसका लागि बुक भइसकेको उडान पनि रद्ध गरेको छ ।

• बालोन डी’ओर अवार्डमा खेलाडीले पाएको अंक सूची लिक ! 

अहिले रोड्रीसहित कयौं सुपर स्टार फुटबलरहरू पेरिस पुगेका छन् । तर रियल म्याड्रिडका खेलाडी अनुपस्थित छन् ।

यसअघि मिडियामा लिक भएको एक अंक सूची अनुसार भिनिसियसले बालोन डि’ओर जित्ने बताइएको थियो ।

यस वर्षको बालोन डि’ओर अवार्ड  राति घोषणा हुँदै छ । सन् २०२३-२४ सिजनको उत्कृष्ट खेलाडीको प्रतिष्ठित अवार्ड दिन लागिएको हो ।

फ्रान्सको फुटबल फेडेरेसनले हरेक वर्ष दिने यो अवार्ड २००८ देखि पहिलो पटक लियोनेल मेसी र क्रिस्टियानो रोनाल्डो बाहेक तेस्रो खेलाडीले पाउँदै छन् ।

यसअघि २०१८ मा लुका मोड्रीच र २०२२ मा करिम बेन्जमाले पाएका थिए । यस वर्ष भने मेसी र रोनाल्डो दुवै मनोनयनमा परेनन् । गत वर्ष यो अवार्ड मेसीले जितेका थिए ।