काठमाडौं – नेपाल तरुण दलको ७२ औँ स्थापना दिवसमा किर्तिपुर नगरपालिका वार्ड न.६ को सामुदायिक वनमा केन्द्रीय समितिले वृक्षारोपण गरिएको छ ।

कार्यक्रममा प्रमुख अतिथि महाधिवेशन निर्देशन समितिको संयोजक पार्टीकी सहमहामन्त्री डिना उपाध्याय, विशेष अतिथि निवर्तमान तरुण दल अध्यक्ष राष्ट्रिय सभा सांसद जित जङ बस्नेत ,नेपाली काङ्ग्रेस केन्द्रीय सदस्य सरिता प्रसाईँ ,नेपाली काङ्ग्रेस केन्द्रीय सदस्य राजन केसीको उपस्थिति रहेको थियो ।

कार्यक्रमको अध्यक्षता नेपाल तरुण दल अध्यक्ष विद्वान गुरुङले गरेका थिए । कार्यक्रममा उपस्थित प्रमुख अतिथि ,विशेष अतिथि एवं तरुण दल अध्यक्ष विद्वान गुरुङलगायत केन्द्रिय सदस्यहरूले करिव १३० ओटा बिरुवाहरू रोपेका थिए ।

कार्यक्रममा बोल्दै अध्यक्ष गुरुङले भने- ‘निलो क्रान्ति भनेर जुन भ्रम अहिले बजारमा छरिएको छ त्यसप्रति कडा टिप्पणी गर्दै वास्तवमा निलो क्रान्ति तरुण दलको झन्डामा अङ्कित छ र निलोले तरुणको जोस जाँगरलाई उजागर गर्छ ।’

अध्यक्ष गुरुङले तिहार लगत्तै काभ्रे र ललितपुरको विभिन्न ठाउँमा तरुण दलले अस्थायी टहरा बनाउने समेत जानकारी दिए ।

महाधिवेशन निर्देशन समितिको संयोजक एवं सदस्यहरूले पार्टीले तरुण दलको महाधिवेशन चैत भित्र सम्पन्न गर्ने म्यान्डेट दिएकोमा उक्त समयभित्र दलको महाधिवेशन गरि नयाँ नेतृत्व ल्याउने प्रतिवद्धता व्यक्त गरे।