काठमाडौं– नेपाल कम्युनिस्ट पार्टी माओवादी केन्द्रका महासचिव जनार्दन शर्मा र नेकपा एकीकृत समाजवादी पार्टीका महासचिव घनश्याम भुसाल बीच भेटवार्ता भएको छ।
बिहीबार भएको भेटमा कम्युनिष्ट पार्टीबीचको सहकार्य, एकताको सम्भावना, आन्दोलनमा देखा परेका चुनौतीहरु, देशको पछिल्लो अवस्था र समसामयिक राजनीतिक घटनाक्रमहरु छलफल भएको छ।
समाजवादी क्रान्तिको नेतृत्व गर्ने सबै कम्युनिष्ट पार्टी एकताबद्ध गर्दा मात्र सम्भव हुने र यसका लागि आ-आफ्नो ठाउँबाट योगदान गर्ने सहमति भएको नेकपा माओवादी केन्द्रका उपमहासचिव जनार्दन शर्माको सचिवालयले बताएको छ।
शर्माले केही दिन अगाडि नेकपामा सचिव नेत्रविक्रमचन्द विप्लवसँग पनि भेटवार्ता गरेका थिए।
प्रतिक्रिया