काठमाडौं–मलेसियन क्लब जोहार दारुल टाजिमविरुद्धको मैत्रीपूर्ण खेलका लागि नेपाली राष्ट्रिय पुरुष फुटबल टोलीको प्लेइङ–११ सार्वजनिक भएको छ । आज राति पौने ९ बजे शुरु हुने खेलमा नेपालले मलेसियन क्लबको सामना गर्दैछ ।

मलेसियको सुपरु लिग च्याम्पियन दारुलविरुद्धको खेलमा नेपालको अग्रपङ्ती स्टाइकर विमल घर्तिमगरले सम्हाल्नेछन् । यस्तै, पहिलो रोजाईका गोलकिपर किरण चेमजोङ टिममा नहुँदा विकेश कुथुले गोलकिपरको जिम्मा पाएका छन् ।

यस्तै टोलीमा सुजल श्रेष्ठ, सन्तोष तामाङ, विक्रम लामा, बिशाल राई र रवि पासवान छन् । यस्तै सुमन अर्याल, देबेन्द्र तामाङ, अनन्त तामाङ र अजित भण्डारी प्लेइङ–११ मा समावेश छन् । विश्वकप छनोट खेल्ने तयारीमा रहेको नेपालले मलेसियन लिग च्याम्पियन क्लब डारुल टाजिमविरुद्ध खेल्न लागेको हो ।

टोलीको कप्तानी सुजल श्रेष्ठले गर्दैछन् । नियमित कप्तान विराज महर्जन र उप–कप्तान किरण चेमजोङ टिम बाहिर भएका कारण सुजललाई कप्तानीको जिम्मेबारी दिएको हो ।