काठमाडौं – न्यूजिल्याण्डले चीनलाई ‘जटिल गुप्तचर चिन्ता’को संज्ञा दिएको छ । त्यहाँको सुरक्षा गुप्तचर सेवाले सार्वजनिक गरेको प्रतिवेदनमा चीनलाई यस्तो संज्ञा दिइएकोहो ।

उक्त प्रतिवेदनमा न्यूजिल्याण्डमा धेरै मुलुकहरुले गलत गतिविधि गरिरहेको भए पनि चिनियाँ गतिविधि भने ‘जटिल र भ्रामक’ रहेको जनाइएको छ । प्रतिवेदनमा केही अनुदार मुलुकहरु आफ्नो स्वार्थ पूरा गर्न वैदेशिक हस्तक्षेपमा लागेको प्रतिवेदनमा उल्लेख छ ।

हालै मात्रै न्यूजिल्याण्डमा क्रिस्टोफर लक्सन नेतृत्वमा मध्य दक्षिणपन्थी सरकार गठन भएसँगै त्यहाँको गुप्तचर सेवाले यस्तो प्रतिवेदन जारी गरेको हो ।

यसअघि गत मार्च महिनामा न्यूजिल्याण्डले सन् २०२१ मा सरकारी कम्प्युटर प्रणालीमा भएको साइबर आक्रमणमा चिनियाँ राज्य समर्थित समूहको संलग्नता रहेको आरोप लगाएको थियो । यसबारे चीनले भने न्यूजिल्याण्ड अमेरिकाको कठपुतली बनेको प्रतिक्रिया दिएको थियो ।