काठमाडौं- बलिउड नायिका दीपिका पादुकोण ८ दिनको अस्पताल बसाइपछि घर फर्किएकी छन् । पहिलो सन्तान छोरीलाई जन्म दिएर उनी आइतबार अस्पतालबाट डिस्चार्ज भएकी हुन् ।

दीपिका सेप्टरम्बर ७ सात मुम्बईस्थित एचएन रिलाइन्स अस्पतालमा भर्ना भएकी थिइन् । त्यसको भोलिपल्ट उनले छोरीलाई जन्म दिएकी थिइन् ।

दीपिका र उनका श्रीमान् रणवीर सिंहले सामाजिक सञ्जालमा नयाँ सन्तानबारे जानकारी दिइरहेका छन् । ८ दिन अस्पतला बस्नुको कारणबारे भने उनीहरूले खुलाएका छैनन् ।

सामाजिक सञ्जालमा उनीहरूका समर्थकले ‘छोरीको नाम के राख्ने ?’ भनेर प्रश्न गरिरहेका छन् । अहिलेसम्म नामबारे यो जोडीले जानकारी दिएको छैन ।

केही समयअगाडिको अन्तर्वार्तामा रणवीरले छोरीको बुवा बन्ने इच्छा व्यक्त गरेका थिए । उनले धेरै नामहरू पनि आफूले सोचिरहको र अरुले नै उक्त नाम प्रयोग गर्नसक्ने भन्दै खुलासा गरेका थिएनन् । उक्त कारण पनि यो जोडीले छोरीको नाम के राख्छन् भन्ने धेरैका लागि चासोको विषय बनेको छ ।