काठमाडौं- वरिष्ठ पत्रकार सुधीर शर्माका दुई पुस्तक ‘भिक्षु, व्यापार र विद्रोह’र ‘हिमालपारिको हुरी’ आइतबार काठमाडौंमा विमोचन गरिएको छ ।

काठमाडौंमा आइतबार आयोजना गरिएको एक कार्यक्रमबीच दुवै पुस्तक विमोचन गरिएको हो । विमोचनपछि विभिन्न वक्ताहरूले पुस्तकबारे विमर्श गरेका छन् ।

विमर्शमा नेपाली कांग्रेसका महामन्त्री गगन थापा, नेकपा एमालेका महासचिव शंकर पोखरेल, डा. लीला न्याइच्याई, राष्ट्रिय स्वतन्त्र पार्टीका सांसद डा.स्वर्णिम वाग्ले लगायत सहभागी भए ।

शर्माले नेपाल चीन सम्बन्ध र विगतको नेपाल भोट (तिब्बत) सम्बन्धमा केन्द्रित रहेर यी पुस्तक लेखेका छन्।

शर्माले ‘हिमालपारिको हुरी’मा २०६३ सालको गणतन्त्रपछि फेरिएको नेपाल-चीन सम्बन्धबारे चर्चा गरेका छन् ।

‘भिक्षु, व्यापार र विद्रोह’मा नेपालको भोट र चीनसँगको सम्बन्धका इतिहास देखाउने कोसिस गरेका छन् । उनले यसअघि ‘प्रयोगशाला’ किताब लेखेका थिए ।