काठमाडौं– इंग्लिस प्रिमियर लिग फुटबलमा म्यानचेस्ट सिटीले लगातार तेस्रो जित निकालेको छ । गएराति भएको खेलमा वेस्टह्याम युनाइटेडलाई ३–१ गोलले हराउँदै सिटीले तेस्रो जित निकालेको हो ।

सिटीका लागि एर्लिङ हाल्यान्डले ह्याट्रिक गरेका थिए भने वेस्टह्यामलाई एक गोल आत्मघाती उपहारस्वरुप प्राप्त भएको थियो । सिटीका रुवेन डायसले आत्मघाती गोल गरेका थिए ।

सिटीका हाल्यान्डले खेलको १०औँ मिनेटमा सुरुवाती गोल गरेका थिए । तर सिटीका डायसले १९औँ मिनेटमा आत्मघाती गोल गरेपछि खेल १–१ गोलको बराबरीमा पुगेको थियो ।

त्यसपछि हालान्डले ३०औँ र ८३औँ मिनेटमा गोल गर्दै ह्याट्रिकसहित सिटीलाई ३–१ गोलको जित दिलाए ।

यो जितसँगै म्यानचेस्टर सिटी तीन खेलबाट ९ अंकसहित तालिकाको शीर्षस्थानमा छ । पराजित भएको वेस्टह्याम ३ अंकका साथ चौथो स्थानमा छ ।