बलिउड अभिनेत्री दीपिका पादुकोण र प्रियंका चोपडालाई लिएर एक पाकिस्तानी टिभी होस्टले विवादित अभिव्यक्ति दिएका छन् । वकार जका नामक ती एंकरले इन्स्टाग्राममा भिडियो सार्वजनिक गर्दै यस्तो बताएका हुन् ।

उक्त भिडियोमा वकारले प्रियंका चोपडा र दीपिका पादुकोणको अनुहारलाई लिएर व्यङ्ग्य गरेका छन् ।

उनले भनेका छन्, भारतका दर्शकलाई त उनीहरुको नाम लिन पनि आउँदैन । यदि साँच्चिकै नजिक आउँथे भने के हुन्थ्यो होला?

वकार जकाले आफ्नो भिडियोमा पाकिस्तानी प्रधानमन्त्रीले पाकिस्तानमा भारतीय कलाकारको बोर्ड हटाउन पनि माग गरेका छन् । उनले पहिलोपटक दीपिकालाई आफ्नो अगाडि देख्दा वान्ता भएको दाबी गरेका छन् । सामाजिक सञ्जालमा यो भिडियो खुबै भाइरल भएको छ । भिडियोलाई लिएर विभिन्न टिप्पणी भइरहेका छन् ।

वकार जका भिडियो जक्कीका साथै सामाजिक अभियन्ता पनि हुन् । वकारले यसअघि पनि यस्ता भिडियो सार्वजनिक गर्ने गरेका थिए ।