काठमाडौं–नेपाल स्टक एक्सचेञ्ज (नेप्से) ३६.८३ अङ्कले घटेको छ । साताको अन्तिम बिहीबार बजार १.३२ अङ्कले घटेर २७४९.५७ विन्दुमा पुगेको छ । बिहीबार कारोबार १२ अर्ब २४ करोड ३६ लाख रुपैयाँ बराबरको २ करोड ८३ लाख ४६ हजार २४६ कित्ता शेयर किनबेच भएको छ ।

बजार घट्दा १३ वटा समूहमध्ये म्यूचअल फण्ड बाहेक सबै समूह राताम्य भएको छ । आज म्यूचअल फण्ड ०.१० प्रतिशतले बढेर २१.९७ विन्दुमा पुगेको छ ।

आज वाणिज्य बैंक १.८१ प्रतिशतले, विकास बैंक १.१२ प्रतिशतले र फाइनान्स ०.९४ प्रतिशतले घट्यो । त्यस्तै होटल एण्ड टुरिजम १.८१ प्रतिशतले हाइड्रो ०.१३ प्रतिशतले, लगानी समूह ०.९९ प्रतिशतले र जीवन बीमा समूह २.०९ प्रतिशतले घटेको छ ।

साथै उत्पादन ०.९६ प्रतिशतले, लघुवित्त २.०१ प्रतिशतले, निर्जीवन बीमा १.८८ प्रतिशतले र अन्य समूह ०.५२ प्रतिशतले घटेको छ । आज सबैभन्दा बढी जीवन बीमा २८८.८१ अङ्कले घटेर १३ हजार ४८६.०३ विन्दुमा आएको छ ।

आज प्रि ओपन सेसनमा ४ अङ्कले बढेर सूरु भएको बजार निरन्तर केही माथि जान खोजेको भए पनि १२ः४८ सम्म निरन्तर ओरालो लागेको थियो । त्यसपछि भने बजार केही माथि गयो तर बजार बन्द हुँदासम्म भने बजार ३६ अङ्कले घट्यो ।

आज ३२२ वटा कम्पनीको शेयर कारोबार हुँदा ५३ वटा कम्पनीको शेयर मूल्य बढेको छ भने १८८ वटा कम्पनीको शेयर मूल्य घटेको छ । २ वटा कम्पनीको शेयर मूल्य भने स्थिर रहेको छ ।

बिहीबार बजार घट्दा १ लाख ४६ हजार २०४ पटक शेयर किनबेच भएको छ । बजार घट्दा २ वटा हाइड्रो कम्पनीको शेयर मूल्यमा भने १० प्रतिशतले बढेर सकारात्मक सर्किट लागेको छ । त्यस्तै थ्रि स्टार हाइड्रपावर कम्पनीको शेयर मूल्य भने १० प्रतिशतले घटेर नकारात्मक सर्किट लागेको छ ।

आज सबैभन्दा बढी टनओभर गुडविल फाइनान्स कम्पनीको भएको छ भने बढी टनओभर अपी हाइड्रोको भएको छ । बढी कारोबार हिमालयन रि कम्पनीको भएको छ ।