काठमाडौं– इंग्लिस प्रिमियर लिग फुटबल अन्तर्गत म्यानचेस्टर सिटीले लगातार दोस्रो जित हासिल गरेको छ ।
गएराती सम्पन्न खेलमा म्यानचेस्टर सिटीले इपस्विच टाउनलाई ४–१ गोल अन्तरले हराउँदै सानदार जित निकालेको हो ।
इपस्विच टाउनले खेलको सातौं मिनेटमा सामी साज्मोडिकको गोलमा शुरुवाती अग्रता हासिल गरेपनि सिटीले तुरुन्तै कमब्याक गरेको थियो ।
खेलको १२औँ १६औँ र ८८औँ मिनेटमा इर्लिंग हालाण्डले गोल गर्दै आफ्नो यस सिजनको पहिलो ह्याट्रिक बनाए। त्यस्तै केभिन डी ब्रुनेले खेलको १४औँ मिनेटमा गोल गरेका थिए ।
यो जितपछि म्यानचेस्टर सिटी दुई खेलबाट ६ अंकका साथ शीर्षस्थानमा रहेको छ । इपस्विच टाउनको यो लगातार दोस्रो हार हो ।
प्रतिक्रिया