काठमाडौं- टेलिसिरियल ‘सक्किगोनो’ टिमले निर्माण गर्न लागेको फिल्म ‘लाज शरणम्’मा हरिस निरौला ‘कक्रोच’को प्रवेश भएको छ ।

निर्माण पक्षले फिल्म घोषणाको एक महिनापछि कक्रोच अनुबन्ध भएको जानकारी दिएको हो । यद्यपि उनको भूमिकाबारे केही खुलाइएको छैन ।

साउन ४ गते आयोजना गरिएको सो कार्यक्रममा कार्य व्यस्तताका कारण क्रकोच उपस्थित थिएनन् । कार्यक्रममा सक्किगोनीका कलाकारहरु सागर लम्साल ‘बले’, अर्जुन घिमिरे ‘पाँडे’, र कमलमणी नेपाल ‘खुपीका बाउ’को फिल्ममा अभिनय रहने जानकारी दिइएको थियो ।

१२ वर्षपछि फिल्ममा मुकुन्दः कुनै बेला पोस्टरमा फोटो राख्दा फिल्म चल्थ्यो

टिम बाहिरबाट मुकुन्द श्रेष्ठ, विजय बराल र माला लिम्बूको अभिनय रहने र बाँकी कलाकार बिस्तारै सार्वजनिक गर्ने बताइएको थियो ।

सक्किगोनीका पूर्वकलाकार प्रियना आचार्य ‘मुन्नी’ले ‘लाज शरणम्’बाटै फिल्ममा डेब्यू गर्ने पक्का भएको छ । उनी र निर्माण पक्षबीच कागजी सम्झौता भइसकेको छ । फिल्ममा रामभजन कामत, बबिन राई ‘गल्फने बाजे’, अभिनेता महेश दवाडी र अभिनेत्री रेनु नाथ योगी अनुबन्ध भइ सकेका छन् ।

हाल कलाकार चयनसँगै फिल्मको प्री-प्रोडक्सनको काम भइरहेको छ । आगामी भदौ तेस्रो साताबाट छायांकनमा निस्कने योजनामा निर्देशक कुमार कट्टेल ‘जिग्री’ रहेका छन् ।

जेपीटी क्रियसनको ब्यानरमा निर्माण हुने फिल्ममा नवीन श्रेष्ठ निर्माता र राम नरेश शाह सह–निर्माताको रुपमा रहेका छन् ।

फिल्मको प्रदर्शन मिति फागुन १४ गते महाशिवरात्रीलाई तोकिएको छ ।