काठमाडौं– बाबु साहेब बलामीको निर्देशन रहने फिल्म ‘देववाणी’को पहिलो गीत ‘तिमीलाई सधैँ भरी’ सार्वजनिक भएको छ । निर्माण पक्षले आइतबार जमलस्थित एक फिल्म हलमा कार्यक्रमको आयोजना गरी गीत सार्वजनिक गरेको हो ।

निर्माण पक्षले यो गीतको छायांकन भारतमा  भएको जानकारी दिएको छ । भिडियोमा नायक कुन्दन भारद्वाज र नायिका अनुजा लेप्चालाई रोमान्टिक भावमा देख्न सकिन्छ । भारतको सुन्दर स्थानले भिडियोको ओझ बढाएको छ । यस गीतमा तेन्जु योञ्जनको कोरियोग्राफी छ ।

फिल्मको प्रदर्शन मिति मंसिर ७ लाई तोकिएको छ । फिल्म नेपाली र हिन्दी भाषामा बन्ने निर्माण पक्षले जानकारी दिएको छ ।

यसमा कुन्दन र अनुजासहित सुनील थापा, ध्रुब कोइराला, नन्दु श्रीवास्तव, अमिता श्राप, मौसम पौडेल, देव सिंह, प्रदीप ढकाल, लक्ष्मीनाथ तिमल्सिनको अभिनय रहनेछ ।

यो फिल्ममा निराजन मेहता मन्जिलको पटकथा तथा संवाद रहेको छ ।

मौसम फिल्मस् प्रोडक्सन हाउस र अनुजा इन्टरटेनमेन्टको ब्यानरमा निर्माण भएको यस फिल्मको निर्माता मिना खड्का र हिराबहादुर लेप्चा हुन् । कार्यकारी निर्माता मनकुमार लेप्चा र रमेश ढुंगेल ‘झापाली’ हुन् ।

हेर्नुहोस् गीत :