काठमाडौं–  भारतीय कमेडियन कपिल शर्माले ‘द ग्रेट इन्डियन कपिल शो’को दोस्रो सिजन ल्याउने भएका छन् ।  भारतीय मिडिया इन्डिया टुडेले स्रोतको दाबी गर्दै मंगलबारदेखि छायांकन हुने जानकारी दिएको छ । 

दोस्रो सिजनको पहिलो एपिसोडमा वेबसिरिज ‘फेबुलस लाइफ अफ बलिउड वाइभस्’को कलाकारहरू ‘गेस्ट’ रहने भएका छन् । 

यो पटक पनि पहिलो सिजनका टिम रहने बताइएको छ । तर कहिलेबाट प्रसारण हुने भन्नेबारे टिमले छिट्टै खुलासा बुझिएको छ । 

टीभीमा लोकप्रिय कपिलले ओटीटीमा आएपछि आलोचना खेप्नुपरेको थियो । केहीले शो फ्लप भएकाले १३ भाग गरेर बन्द गर्नु परेको टिप्पणी गरेका थिए ।

कपिलले यसबारेमा स्पष्टीकरण दिँदै १३ भागका लागि मात्रै सम्झौता भएको र चाँडै नयाँ सिजन ल्याउने जानकारी दिएको थियो । 

७ वर्षको दुस्मनी बिर्संदै कपिल र सुनिल ग्रोवर पहिलो सिजनमा काम गरेका थिए । 

पहिलो सिजनको पहिलो एपिसोड ३० मार्चमा सार्वजनिक भएको थियो भने अन्तिम एपिसोड २२ जुन २०२४ मा सार्वजनिक भएको थियो ।