काठमाडौं – वैदेशिक रोजगारीमा रहेका युवाको कथामा म्युजिकल फिल्म ‘प्याकुली‘ सार्वजनिक भएको छ । सुन्धारास्थित एक हलमा एक कार्यक्रमको आयोजना गरी शनिबार सो म्युजिकल फिल्म औपचारिक रुपमा सार्वजनिक गरिएको हो ।

रामहरि खड्का ‘आरआर’को शब्दमा रहेको सो गीतमा बाबुल गिरीको संगीत र स्वर रहेको छ । आफूले नजिकबाट देखेको कथालाई समेटर यो सामाग्री तयार पारेको आरआरको दाबी छ । भिडियो उनी नै मुख्य भूमिकामा देखिएका छन् ।

आरआर भन्छन्, ‘यो घरघरको कथा हो । अधिकांश मान्छे विदेशमा छ । श्रीमान विदेशमा, श्रीमती गाउँमा, सफा नियतले पनि बोल्नै गाह्रो छ । मैलै गाउँमै भोगेको कथा हो । समाजप्रति दायित्व लागेर यो निर्माण गरेका हौं ।’

भिडियोको शीर्ष भूमिकामा रहेकी तलिशा गुरूङले नेपाली समाजको कथालाई प्रस्तुत गर्ने पात्र निर्वाह गर्ने अवसर पाएकामा खुशी व्यक्त गरिन् । त्यस्तै, गायक बाबुल गिरीले समाजको चित्रण गरिएको गीतमा जोडिदा विशेष अनुभव प्राप्त गरेको बताए ।

नीतिन चन्दले निर्देशन यस म्युजिकल फिल्ममा आरआरसहित तलिशा गुरूङ, महेश खड्का, घनश्याम जोशी, बाल कलाकार रोनिश खड्काको अभिनय रहेको छ ।

गीत सार्वजनिक समारोहमा कलाकार एवं निर्देशक दिपाश्री निरौला, कलाकार शिवहरि पौडेल लगायत कला क्षेत्रका निर्माता निर्देशकको बाक्लो उपस्थिति थियो ।

भिडियाे