शारीरिक वजन वृद्धि, मांसपेशी वा जोर्नीमा दुखाई, बिना कारण कमजोरी वा आलस्यता बढ्नु अहिले आम समस्या बनेको छ । थकावट वा अनिन्द्राको कारण निम्तने यस्ता समस्यालाई धेरैजसो मानिसमा ख्याल नदिने गरेको पाइन्छ । तर बदलिदो जीवनशैलीका कारण बिहान उठ्ने र बेलुका सुत्ने समयको सहि समय नमिलेका कारण यि समस्याहरु निम्तने गर्दछ । आवश्यकता भन्दा बढि खानु वा दिनभर खानाको समय नमिलेर भोको बस्नु समेत यी समस्याका कारण हुन् ।

तर यदि तपाईमा लगातार थकावट, जोर्नीको दुखाई लगायतका समस्या देखिएका छन्, सावधान हुनु जरुरी छ । यस्ता प्रकारका स्वस्थ्य समस्या शरीरमा भिटामिन डिको कमिले हुने गर्दछ । यदि मांसपेशि वा जोर्नीमा लगातार दुखाई छ भने रगतको परीक्षण गरी तपाईको शरीरम भिटामिन डि (विशेषतः डि थ्रि)को अवस्था कस्तो छ त्यो पहिचान गर्न आवश्यक छ । यदि भिटामिन डि थ्रिको मात्रा आवश्यकता भन्दा कम छ भने यस किसिमका समस्या हुने गर्दछन् ।

सूर्यको किरणलाई भिटामिन डि को सबैभन्दा बलियो प्राकृतिक स्रोत मानिन्छ । तसर्थ शरीरमा भिटामिन डि को मात्रा बनाई राख्न एक सातामा ४/५ पटकसम्म सनवाथ अर्थात केहिबेर घाममा उभिनु जरुरी छ । बिहान ८ बजे भन्दा पहिले र साझ ४ बजेपछिको घाममा उभिनु सबैभन्दा उपयुक्त हुन्छ । घाममा उभिदा अनुहारलाई नछापि हातलाई फैलाएर उभिनु पर्दछ ।

दैनिक करीब १५ मिनेट घाममा उभिदा शरीरमा कहिल्यै भिटामिन डि को अभाव हुदैन । यसबाहेक सालमोन, सार्डनिस माछा, अडां वा मासुमा समेत प्रचुर मात्रामा भिटामिन डि पाइन्छ । यदि कोहि शाकाहारी छ भने उनिहरुले खानामा सूर्यमुखीको बिउ, सोयाबिनका उत्पादन, दुग्धजन्य पर्दाथको प्रयोग गरेमा समेत भिटामिन डिको भरपुर हुन्छ ।