काठमाडौं– नेपाल उद्योग वाणिज्य महासंघ (एफएनसीसीआइ) ले अन्तर्राष्ट्रिय श्रम संगठन (आइएलओ) को सहकार्यमा स्याहार अर्थतन्त्रबारे रोजगारदाता तालिम आयोजना गरेको छ ।
‘निजी क्षेत्रमा स्याहार अर्थतन्त्रको सान्दर्भिकता’ विषयक रोजगारदाता तालिम कैलालीको धनगढीमा बुधवारदेखि शुरु भएको हो । तालिम तीन दिनसम्म चल्ने महासंघले जानकारी दिएको छ ।
तालिमअन्तर्राष्ट्रिय श्रम संगठन (सशक्त महिला समृद्ध नेपाल) परियोजना र महासंघबीच भएको सम्झौता बमोजिम महासंघ सुदूरपश्चिम प्रदेशले आयोजना गरेको हो । तीन दिनसम्म संचालन हुने तालिमको प्रमुख प्रशिक्षक आस्था भट्ट हुन् ।
तालिममा सुदूरपश्चिमका उद्योगी, व्यवसायी र सरकारी तथा गैरसरकारी क्षेत्रका गरी ३० जना सहभागी छन् ।
प्रतिक्रिया