काठमाडौं – चीनले समाजवादी शिक्षा अभियान थालेको छ । चीनको सत्तारुढ कम्युनिष्ट पार्टीले सन् २०२४ का लागि समाजवादी शिक्षा अभियान शुरु गरेको हो ।

चिनियाँ समाचार संस्था सिन्ह्वाका अनुसार यस अभियानअन्तर्गत चिनियाँ कम्युनिष्ट पार्टीको इतिहासबारे विद्यार्थीलाई शिक्षा दिइनेछ ।

त्यसबाहेक चिनियाँ शिक्षा मन्त्रालयले विद्यालयलाई यस वर्ष कम्तीमा तीनवटा अतिरिक्त क्रियाकलाप गराउन पनि प्रोत्साहन गरेको सिन्ह्वाले जनाएको छ ।

यसबाट विद्यार्थीले पार्टीको इतिहास, समाजवाद, देशभक्तिबारे पनि शिक्षा पाउने बताइएको छ ।

चीनले यसै वर्षको जनवरी १ देखि देशभक्तिपूर्ण शिक्षा कानून लागू गरेको छ । चीनलाई थप मजबुत र समृद्धितर्फ लैजानका लागि नयाँ शिक्षा नीति प्रभावकारी हुने अपेक्षा गरिएको सिन्ह्वाले जनाएको छ ।